საიტის საარქივო მასალა
კერძო სადაზღვევო პაკეტები 20-25 პროცენტით გაძვირდება [09.12.2016]
ინიციატივა, რომელიც სადაზღვევო კომპანიებიდან საყოველთაო ჯანდაცვის გამიჯვნას ითვალისწინებს, კერძო სადაზღვევო პოლისებს გააძვირებს. როგორც "კომერსანტთან" საუბრისას, სადაზღვევო კომპანიების წარმომადგენლები აცხადებენ, შესაძლო გამიჯვნას 20–25 პროცენტიანი ზრდა მოჰყვება.
მომავალი წლიდან სატრანზიტო ავტომობილების სავალდებულო დაზღვევა ამოქმედდება, რომელიც დამატებით შემოსავალს შექმნის სადაზღვევო ბაზრისთვის - ამის შესახებ ფინანსთა მინისტრის მოადგილე ნიკოლოზ გაგუამ რადიო „კომერსანტის" გადაცემა „ბიზნესის ადვოკატში" განაცხადა.
ზედამხედველობას სადაზღვევო კომპანიები დააფინანსებენ - სანაცვლოდ ინდუსტრია სავალდებულო დაზღვევის ამოქმედებას ითხოვს [07.12.2016]
მომავალი წლიდან დაზღვევის ზედამხედველობის სამსახურის დაფინანსება სადაზღვევო კომპანიებს მოუწევთ. მთავრობის გადაწყვეტილებით 2017 წლის ბიუჯეტში ზედამხედველობის სამსახურის დაფინანსება არ არის გათვალისწინებული. რადიო „კომერსანტი" დაინტერესდა, რა პოზიცია აქვს დაფინანსების წესის ცლილებასთან დაკავშირებით სადაზღვევო ინდუსტრიას. კომპანიების წარმომადგენლები ჩვენთან საუბარში აცხადებენ, რომ ასეთი მოდელი მთელს მსოფლიოში მიღებული პრაქტიკაა, თუმცა აუცილებელია პარალელურად ამოქმედდეს სავალდებულო ტიპის დაზღვევები.
აგროდაზღვევის პროექტში ცვლილებები შედის. მთავრობა სადაზღვევო კომპანიებთან ერთად განახლებულ მოდელზე მუშაობას უახლოეს მომავალში დაასრულებს. შედეგად, ახალი, გადამუშავებული სახით პროექტი 2017 წლის თებერვლიდან ამოქმედდება. ამ დროისთვის ცნობილია მხოლოდ ის, რომ მომავალი წლიდან აგროდაზღვევა სისტემური გახდება.
სადაზღვევო სექტორი მიმდინარე წელს მოგებით დაასრულებს - ასეთია დაზღვევის ზედამხედველობის სამსახურის ხელმძღვანელის იოსებ გოგოლაშვილის შეფასება. რა მოლოდინები აქვს ზედამხედველობის სამსახურს ბაზარზე არსებულ მდგომარეობასთან დაკავშირებით და როგორი იქნება მომავალი წელი კომპანიებისთვის. ამ საკითხებზე იოსებ გოგოლაშვილი "კომერსანტს" ესაუბრა
