საიტის საარქივო მასალა
დაზღვევის ბაზარზე არსებული გამოწვევები - პირველი საერთაშორისო სადაზღვევო ფორუმი საქართველოში [14.03.2019]
დღეს საქართველოში საერთაშორისო მედია სააგენტო XPRIMM-ის მიერ საქართველოს დაზღვევის სახელმწიფო ზედამხედველობისა და ვენის სადაზღვევო ჯგუფის წევრის - კომპანია „ირაოს“ მხარდაჭერით საერთაშორისო სადაზღვევო ფორუმი იმართება. მსგავსი ტიპის ფორუმს საქართველო პირველად მასპინძლობს და მისი ჩატარების ძირითად მიზანს წარმოადგენს დაზღვევის ბაზარზე არსებული გამოწვევების განხილვა და გამოცდილების გაზიარება.
14 მარტს, 09:00
საათზე, თბილისში, „რესპუბლიკას“ საკონფერენციო დარბაზში (პირველი რესპუბლიკის მოედანი
№6) დაზღვევის საერთაშორისო კონფერენცია გაიხსნება. იხ. ანონსი.
რა იცვლება ავტომობილების დაზღვევის სისტემაში 2019 წლის 1 ივლისიდან - „სადაზღვევო ასოციაციის“ ხელმძღვანელის განმარტება [21.02.2019]
უახლოეს მომავალში ქვეყანაში სამოქალაქო პასუხისმგებლობის სავალდებულო დაზღვევა ამოქმედდება. როგორც „სადაზღვევო ასოციაციის“ ხელმძღვანელი დევი ხეჩინაშვილი აცხადებს, მომზადებული კანონპროექტის მიხედვით, იქმნება სისტემა, რომელიც 2-3 წელიწადში უნდა გავიდეს იმ ნიშნულზე, რომ საქართველოში ავტოსაგზაო შემთხვევის შედეგად მომხდარი ყველა ზარალი ანაზღაურებული იყოს, მიუხედავად ბრალეულობისა, დაზღვეულობისა და იმისა, დადგენილია თუ არა დამზარალებელი.
სადაზღვევო კომპანიები ავტომფლობელთა სამოქალაქო პასუხისმგებლობის სავალდებულო დაზღვევის პირობების გადახედვის საკითხს დააყენებენ.ამის შესახებ bm.ge-ს სადაზღვევო ასოციაციის ხელმძღვანელმა, დევი ხეჩინაშვილმა განუცხადა.
რა უნდა ღირდეს ავტოსატრანსპორტო საშუალების მფლობელებისთვის პასუხისმგებლობის სავალდებულო დაზღვევა? [05.02.2019]
საქართველოში რეგისტრირებული ავტოსატრანსპორტო საშუალების მფლობელებისთვის 2019 წლის 1 ივლისიდან სამოქალაქო პასუხისმგებლობის სავალდებულო დაზღვევა შემოდის.
საკანონმდებლო პაკეტი, რომელიც მთავრობამ მოამზადა, უკვე პარლამენტშია.
